دكتور وأنداوي أفجرح الغيــــــــــــــــــــر..

أنداوي أفجرح الغيــــــــر ........ أونا منكسر وأتريدلي تجبيــــــــر
دكتور وأنداوي أفجرح الغيــــــــــــــــــــر
أفغيري أنداوي .......... كلا أجروحي ما عليهن ماوي
أنضمد أوللغيري عطيت فتاوي ........ أنجي الحالتي أنوقف أحذاها أنحيــــــــر
أولو أنباحثه يطلع علي بلاوي ........ أوما أنطول غير الهم والتسطيــــــــر
أنداوي أفغيري ........ أوفي أجروحهم حطيت كل تفكيري
أوجرحي بدا يكبر أوزاد سطيري ....... أونا أنقول كل توخير فيه الخيــــــر
الناس ترتوي وين يوردوا في بيري ...... أونا منضمي مسع القيت غديـــــــر
دكتور عاللخريـــــــن ........ أوعندي أجروح أوكسر لاه أسنيـــــن
أنداوي أفغيري أوجرح فيا شيـــــن ...... أنصبر أونا محتاج للتصبيــــــــر
أنضمد أونا أنضر ضمادي ويـــــــن ...... أنفرح أونا مكتوبلي التكديــــــــر
أنداوي أونا يا أنويرتي مسكيـــــن ....... أنقضي أفليلي مالوجع تسميـــــــر
نا دكتور ......... أنجبر أوفيا واجدة لكسور
أنهدي أونا ليلي قضيته أسمور ....... تمنيت نلقا فالغلا تقديــــــــر
اللي جرحني بوعيون الحور ....... جفاني أمغير أسباب لا تبريـــــــر
صدمني أوخلا القلب فاضي بور ...... قهرني أوخلاني بلاه أنحيـــــــــر
قلع غلانا قلع ماللجدور .......... ماعاد عندي حمل للتعزيـــــــــــر
أقدرت يا غالي عليا أتجور ........ بينك أوبين الله شن بنديـــــــــر